YORMA SANOATINI RIVOJLANTIRISH

Abstract

Barchamizga ma’lumki, don mahsulotlari inson ozuqasining asosiy va ajralmas bo‘lagi hisoblanadi. Modomiki, don mahsulotlari inson ozuqasining asosiy bo‘lagini tashkil etar ekan, mamlakatimiz hukumati tomonidan aholini turli xildagi oziq-ovqatga bo‘lgan ehtiyojini o‘zimizda yetishtirilayotgan mahsulotlar bilan to‘la qondirish borasida chora-tadbirlar ishlab chiqilib, ularni amaliyotga tadbiq etish ishlari yanada takomillashtirilmoqda. Ayniqsa, mamlakatimiz rahbarining don mahsulotlariga bo‘lgan talab-ehtiyojni respublikaning o‘zida yetishtirilgan hosil hisobiga qondirish masalasini muhim strategik vazifa qilib qo‘yganliklari e’tiborga molikdir. Bu esa donni qayta ishlash sanoatini ham rivojlantirish, tizim korxonalari ishini tubdan o‘zgartirish talabini kun tartibiga qo‘ydi.