Nemis Va O‘Zbek Gidropoetonimlarining Semantik Tasnifoti

Abstract

Maqolada gidropoetonimlar, ya’ni suv ob’ektlariga oid geografik nomlar, tilshunoslik, madaniyatshunoslik va antropologiya nuqtai nazaridan tahlil qilinadi. Gidropoetonimlar nafaqat geografik axborot yetkazib berish, balki til va madaniyatni shakllantirishda ham muhim rol o‘ynaydi. Ular, shuningdek, tilning lingvostilistik va lingvopoetik funksiyalarini bajarib, tabiat, mifologiya va ijtimoiy munosabatlarni estetik va poetik tarzda tasvirlashga yordam beradi. Maqolada gidropoetonimlarning yerli til shevalariga, geografik sharoitlarga va madaniy identifikatsiyaga qanday ta’sir ko‘rsatishi muhim jihat sifatida ko‘rib chiqiladi. Nemis va o‘zbek gidropoetonimlarining semantik tasnifi ham yoritiladi, bu orqali ularning tarixiy, madaniy va tabiiy kontekstlari o‘rganiladi. Masalan, nemis gidropoetonimlari daryolarning uzunligi, toshqinlar yoki etnolingvistik xususiyatlari bilan bog‘liq bo‘lsa, o‘zbek gidropoetonimlari esa tabiiy resurslar, xalq an’analari va madaniyat bilan chambarchas bog‘liqdir. Maqola gidropoetonimlarning lingvistik va madaniy ahamiyatini tushunishga imkon beruvchi muhim ilmiy tadqiqot bo‘lib, til va madaniyat o‘rtasidagi murakkab aloqalarni yoritishga qaratilgan.