O‘Quvchilarning O‘Qish Malakalarini Shakllantirishdа Lingvistik Va Psixopedagogik Yondashuvlar

Abstract

Ushbu maqolada o‘quvchilarning o‘qish malakalarini shakllantirishda lingvistik va psixopedagogik yondashuvlarning o‘rni o‘rganiladi. Tadqiqotning asosiy maqsadi - o‘quvchilarda samarali o‘qish ko‘nikmalarini rivojlantirishda tilshunoslik va psixologik-pedagogik metodlarning o‘zaro ta’sirini aniqlashdir. Tadqiqot Namangan viloyatidagi umumiy o‘rta ta’lim maktablarida 60 nafar 7–9-sinf o‘quvchilari ishtirokida olib borildi. Unda testlar, so‘rovnomalar, kuzatuv va suhbatlar asosiy metod sifatida qo‘llanildi. Tajriba guruhi bilan integrallashgan yondashuv asosida olib borilgan darslar natijasida o‘quvchilarning matnni tushunish darajasi, yangi so‘zlarni o‘zlashtirishi va o‘z fikrini ifodalash ko‘nikmalari ancha oshgani kuzatildi. Nazorat guruhiga qaraganda tajriba guruhi o‘quvchilari testlarda o‘rtacha 19% yuqori natijalarga erishgan. Tadqiqot xulosalariga ko‘ra, o‘qish malakalarini shakllantirishda tilshunoslik va psixopedagogika yondashuvlarining uyg‘unligi yuqori samaradorlikni ta’minlaydi.