QO‘QON XONLIGI TARIXIGA YANGICHA MULOHAZALAR

Abstract

Ushbu maqolada Qo‘qon shahri yaqinida joylashgan tarixiy-madaniy yodgorlik Shoxmasadbiy qo‘rg‘oni tarixi, Qo‘qon xonligi tarixi bilan bog‘liq bo‘lgan “Oltin beshik” rivoyatiga oid masalalar yoritiladi. XIX asr boshi Qo‘qon saroy tarixchisi Mushrif Isfaragiy fors tilida yozilgan va Umarxonga bag‘ishlagan “Shohnomai Umarxoniy” nomli tarixiy asarida birinchi marta “Oltin Beshik” afsonasini keltirgan edi. Shu asardan boshlab Qo‘qondagi boshqa tarixchilar ham mazkur afsonani o‘z asarlarida keltira boshlaydilar. Shu suloladan bo‘lgan tarixiy shaxs Shohmasadbiy ibn Abdulqosim hayoti ham o‘sha zamon manbalari asosida yoritilib, yangi tadqiqotlar bilan taqdim etilmoqda.