Telematika Texnologiyalar Asosida Talabalarning Axborotlarni Tahlil Qilish Kompetentligini Shakllantirish

Abstract

Mazkur ilmiy maqolada raqamli transformatsiya sharoitida telematika texnologiyalari yordamida talabalarning axborotlarni tahlil qilish kompetentligini shakllantirish masalasi yoritilgan. Muallif axborotni izlash, saralash, tahlil qilish, vizualizatsiya va asosli xulosa chiqarish bosqichlarini qamrab olgan metodik modelni ishlab chiqadi va uni “Kompyuter injiniringi” yo‘nalishida tahsil olayotgan talabalar bilan eksperimental tarzda sinovdan o‘tkazadi. Tadqiqotda zamonaviy telematika vositalari – masofaviy o‘qitish tizimlari, AI-assistentlar, LMS platformalari, virtual laboratoriyalar va vizualizatsiya dasturlarining didaktik imkoniyatlari amaliy jihatdan tahlil qilinadi. Eksperiment natijalari ushbu metodik yondashuvning talabalarda axborot bilan ishlash kompetentligini rivojlantirishga ijobiy ta’sir ko‘rsatganini tasdiqlaydi. Maqolada shuningdek, axborot kompetentligini baholash indikatorlari tizimi ishlab chiqilgan va sifat-qiymatli tahlillar bilan mustahkamlangan. Tadqiqot natijalari asosida o‘quv jarayoniga telematika vositalarini integratsiyalashga oid metodik tavsiyalar taqdim etiladi.