Internet Narsalar (IoT) Ning Raqamli Iqtisodiyotdagi Yangi Imkoniyatlari Va Xatarlari

Abstract

Ushbu maqolada Internet narsalar (IoT) texnologiyasining raqamli iqtisodiyotdagi o‘rni va uning ta’siri tahlil qilinadi. Bugungi kunda IoT qurilmalari sanoat, transport, sog‘liqni saqlash, qishloq xo‘jaligi va xizmat ko‘rsatish sohalarida samaradorlikni oshirish, xarajatlarni kamaytirish va real vaqt rejimida ma’lumotlar almashinuvi imkoniyatlarini yaratmoqda. IoT texnologiyalari yordamida ishlab chiqarish jarayonlari avtomatlashtirilmoqda, aqlli shaharlar va aqlli uylar infratuzilmalari shakllanmoqda, bu esa iqtisodiy o‘sish va innovatsiyalarni rag‘batlantirmoqda. Shu bilan birga, IoT tizimlarining tez sur’atlarda rivojlanishi ma’lumotlar xavfsizligi, kiberhujumlar, shaxsiy ma’lumotlarning himoyasi kabi xavf-xatarlarni ham yuzaga keltirmoqda. Ayniqsa, sanoat va moliya tizimlarida IoT qurilmalarining himoyasizligi iqtisodiy barqarorlik uchun tahdid hisoblanadi. Maqolada IoTning yangi imkoniyatlari va xatarlarini baholash hamda ularni boshqarish usullari muhokama qilinadi.