Isitilmaydigan Issiqxonada Shirin Qalampirni Maqbul Ekish Sxemasini Aniqlash

Abstract

Shirin qalampir (lotincha Capsicum annuum) bir yillik o‘t o‘simlik bo‘lib, vatani Markaziy Amerika (Meksika, Gvatemala)dir. Shirin qalampir qimmatli sabzavot ekini bo‘lganligi uchun unga talab har doim yuqori bo‘lib kelgan. Poyasi tik bo‘lib, shoxlanuvchan. Bo‘yi 25-30 smdan 80 sm gacha bo‘ladi. Issiqxonalarda 2 metrdan ham baland bo‘lishi mumkin. Isitilmaydigan issiqxona sharoitida shirin qalampirni еtishtirishda yorug‘likdan maksimal foydalanish, maqbul issiqlik, suv, havo, oziqa rejimini yaratishda muhim omil bo‘lib xizmat qiladi. Bunda ushbu ekinlarni biologik xususiyatlarini inobatga olgan holda bajariladi. Sabzavot ekinlarini joylashtirishda, albatta ularni ekish sxemasini, ya’ni o‘simlikni oziqlanish maydonini to‘g‘ri tanlash zarurdir. Bir so‘z bilan aytganda ekish sxemalarini o‘rganish jarayonida oziqlanish maydoni oshishi hamda kamayishi shirin qalampir navlari o‘rtasida fenologik fazalar bir xil qonuniyat bo‘yicha amalga oshadi. Shirin qalampir navlari o‘rtasidagi vigetatsiya davridagi kunlar bundan mustasno.