Yapon Tili Lingvomadaniyatida Vaqt Konsepti

Abstract

Ushbu maqolada vaqt tushunchasi va uning yapon madaniyatidagi o‘ziga xosligi tahlil qilinadi. Tadqiqotning asosiy e'tibori madaniy makonning muhim tarkibiy qismi sifatida vaqt tushunchasiga qaratilgan. Tadqiqot natijalariga ko‘ra, “vaqt” madaniy va falsafiy mazmunga ega bo‘lib, uni tabiiy aylanish vaqti, tarixiy vaqt va psixologik vaqt kabi asosiy tushunchalarga ajratish mumkin. Yapon sivilizatsiyasida vaqtning ma’nosi Sintoizm va Buddizm ta’sirida shakllangan dunyoning arxaik modelida namoyon bo‘ladi va bu yapon til madaniyatida o‘z ifodasini topadi. Yapon madaniyatida vaqt tushunchasi asosan davriy modelga asoslangan bo‘lsa-da, vaqtning chiziqli va davriy modellarining uyg‘unligi ham ko‘zga tashlanadi. Shu bilan birga, yaponlar uchun vaqt ramziy va vizual obrazlarda ifodalanadi va o‘tmishga yo‘naltirilgan madaniy tizimlarning xususiyatlarini aks ettiradi. Muallif ushbu maqolada yaponlarning vaqtni idrok etishida xalq og‘zaki ijodi, milliy an’analar, falsafiy va diniy asoslar kabi omillarning o‘zaro ta’sirini tahlil qilib, “vaqt” tushunchasining o‘ziga xosligini ko‘rsatadi.