Ерларга Экиш Олдидан Ишлов Беришда Қўлланиладиган Комбинациялашган Машина Юмшаткич Панжаси Параметрларининг Мақбул Қийматларини Аниқлаш

Abstract

Мақолада ишлаб чиқилган юмшаткич панжанинг параметрлари, яъни унинг эни, тупроққа кириш бурчаги, эгрилик радиуси ҳамда агрегат ҳаракат тезлигининг тупроқнинг уваланиш даражаси, юмшатилган қатлам тубида ҳосил бўладиган нотекисликларнинг баландлиги агротехник талаблар даражасида бўлишини кам энергия сарфлаган ҳолда таъминлайдиган мақбул қийматларини аниқлашга доир ўтказилган кўп омилли экспериментал тадқиқотларнинг натижалари келтирилган. Кўп омилли экспериментлар Хартли-4 режаси бўйича ўтказилган. Бунда баҳолаш мезони сифатида тупроқнинг уваланиш даражаси, яъни ўлчами 50 mm дан кичик фракциялар миқдори, юмшатилган қатлам тубида ҳосил бўладиган нотекисликларнинг баландлиги ҳамда юмшаткич панжанинг тортишга қаршилиги олинган. Тажрибаларда олинган маълумотларга ҚХМИТИ нинг тажриба-синов бўлимида ишлаб чиқилган “PLANEXP” дастури бўйича ишлов берилган ва баҳолаш мезонларини адекват ифодаловчи регрессия тенгламалари олинган. Бунда дисперсиянинг бир хиллигини баҳолашда Кохрен критериясидан, регрессия коэффициентларининг қийматини баҳолашда Стьюдент критериясидан, регрессион моделларнинг адекватлигини баҳолашда Фишер критериясидан фойдаланилган. Олинган регрессия тенгламалари тупроқнинг уваланиш даражаси, яъни ўлчами 50 mm дан кичик фракциялар миқдори 80 фоиздан кам бўлмаслиги, юмшатилган қатлам тубида ҳосил бўладиган нотекисликларнинг баландлиги 2 cm дан ошмаслиги ҳамда юмшаткич панжанинг тортишга қаршилиги минимал қийматга эга бўлиши шартларидан биргаликда ечилиб параметрларнинг мақбул қийматлари аниқланган.